Өзгөчө кырдаалдар министрлиги Улуу Ата Мекендик согуштун 87 жаштагы ардагерин майрамы менен куттуктады

Бүгүн, 8-майда КРнын Өзгөчө кырдаалдар министрлигинин жетекчилиги Улуу Ата Мекендик согуштун ардагери, 87 жаштагы Борис Кубринди Улуу Жеңиштин 70 жылдык мааракеси менен куттуктады. Бул тууралуу мекеменин басма сөз кызматынан билдиришти. 

Маалым болгондой, министрликтин жетекчилиги Борис Кубринге фашисттик баскынчыларга каршы салгылашта баатырдыгын көрсөтүп, бүгүнкү муундун бейпил жашоосуна салым кошкондугу үчүн ыраазычылык билдирип, акчалай сыйлык тапшырды.

Айта кетсек, ардагер 1941-жылы 18 жашында согушка аттанган. 1945-жылы Жарандык коргонуу тармагында аскер кызматында иштеп, кийин Өзгөчө кырдаалдар министрлигинен ардактуу эс алууга чыккан. Учурда ардагер Бишкек шаарында жашап, 3 баланын жана 6 неберенин кадырлуу төрүндө өмүр сүрүп келет.