Катарда өткөн Азия чемпиондугунда 4 медаль уткан эркин күрөш курамасы Бишкекке кайтып келди

9-майда Азия чемпиондугунда байге алган эркин күрөш боюнча улуттук курама Катардын Доха шаарынан Бишкекке келип түштү. Балбандарды Улуттук оюндарды өнүктүрүү борборунун директорунун орун басары, “Бээжин-2008” Олимпиадасында коло медалга ээ болгон Руслан Түмөнбаев тосуп алды. Бул тууралуу бүгүн, 12-майда Дене тарбия жана спорт мамлекеттик агенттигинен кабарлашты.

Кошумчалай кетсек, бул курам Азия чемпиондугунда 4 медаль тагынды. Айаал Лазарев (125 килограмм салмакта) алтын, Магомед Мусаев (97 килограмм) менен Самат Надырбек уулу (57 килограмм) күмүш тагынган. Ошондой эле Эламан Догдурбек уулу 70 килограмм салмакта коло медалды багындырган. Жыйынтыгында эркин күрөш боюнча курамабыз мелдеште командалык эсепте 3-орунду ээледи.