Олимпиадалык кураманын футболчулары Азия чемпиондугунун тандоо туруна катышуу үчүн жөнөп кетишти

23 жашка чейинки курактагы футболчулардан түзүлгөн олимпиадалык курама бүгүн, 12-майда Бириккен Араб Эмираттарына жөнөп кетти. Бул тууралуу КРнын Футбол федерациясынан кабарлашты.

Мирлан Эшенов машыктырган курам 16-20-май аралыгында жаштар арасындагы Азия чемпиондугунун тандоо турунда “В” тайпасында оюн өткөрөт. Тайпадагы атаандаштар Кувейт, Иордания жана Пакистандын олимпиадалык курамалары. Тайпада Түркмөнстандын командасы жүйөлүү себептерден улам мелдешке катышуудан баш тартты.

Оюндар төмөнкү тартип менен өтөт:

16-май

Кувейт – Кыргыз Республикасы

18-май

Кыргыз Республикасы – Иордания

20-май

Кыргыз Республикасы – Пакистан