Футбол: Чемпиондор Лигасында "Барселона" "Баварияга" утулганына карабай финалга чыкты

Чемпиондор Лигасында испаниялык "Барселона" футбол клубу конокто германиялык "Баварияга" 3:2 эсебинде утулганына карабай финалга чыкты. Оюндун башталганынан 6 мүнөт өткөндө машыктыруучу Хосеп Гвардиоланын оюнчулары эсепти ачышты. Каталондуктар бул голго Неймардын аракети менен жооп беришти. Ошол эле Неймар 29-мүнөттө "Бавариянын" дарбазасына экинчи топту киргизип, командасын алдыга чыгарды. 2:1 эсеп менен жарым финалчылар танаписке чыгышты.

Экинчи таймда "Бавария" гол киргизүүгө катуу аракеттенди. Жыйынтыгында Левандовски жана Мюллер эки голду киргизүүгө үлгүрүштү. Ошентип, германиялык команда бул оюнда 3:2 эсебинде утса да, мурунку оюндагы эсептер боюнча финалга "Барселона" өттү.

Голдор: Бенатиа, 7 (1:0). Неймар, 15 (1:1). Неймар, 29 (1:2). Левандовски, 59 (2:2). Мюллер, 74 (3:2).

Эскерте кетсек, биринчи беттеште "Барселона" "Баварияны" 3:0 эсеби менен утуп, финалга чыгуусуна болгон мүмкүнчүлүгүн бир топ арттырып койгон.