Алмазбек Атамбаев менен транспорт жана коммуникация министри өлкөдөгү автоунаа жолдорунун курулушун талкуулашты

Мамлекет башчы Алмазбек Атамбаев менен транспорт жана коммуникация министри Аргынбек Малабаев бүгүн, 13-майда өлкөдөгү автоунаа жолдорун куруу жана оңдоо иштеринин жүрүшүн талкуулашты. Министр өлкөнүн түштүк аймагына жасаган иш сапарынын жыйынтыгы тууралуу маалымат берди. Балыкчы - Казарман - Жалал-Абад жана Ош, Баткен облустарындагы стратегиялык жолдордун курулушу тууралуу сөз болду. Алмазбек Атамбаев министрге пландалган иштерди өз убагында жана сапаттуу бүтүрүү тапшырмасын бергенин президенттик аппараттан билдиришти.