Супер-Инфо
super.kg видео
Баткендин тургуну: “Кадамжай районунда мамлекет тарабынан берилген каражаттар мыйзамсыз иштетилүүдө”
“Баткен облусунун Кадамжай райондук администрциясында "Кокон хандыгы" орногон. Жергиликтүү мамлекеттик жетекчилер облуста өз билгенин жасап, мыйзам бузуучулук фактылары болууда”,- деди бүгүн, 13-майда маалымат жыйынында Мамлекеттик коррупцияга каршы люстрациясынын Баткен облусу боюнча координатору Роза Маманова. Анын айтымында, Үч-Коргон айыл өкмөтүнүн башчысы Акматжан Абдрахманов жерлерди Өзбекстандын жарандарына 5 жылга ижарага берген.
“Мындан тышкары ошол эле айылда жайгашкан “Достук” маданият үйүн оңдоп-түзөөгө мамлекет тарабынан берилген 2 миллион 980 200 сомдун 500 миңи гана иштелип, калган каражаттар Абдрахмановдун чөнтөгүнө түшкөн. Бул тууралуу жергиликтүү депутаттар деле айтышууда. Ушул жана башка фактылар боюнча Баткен облусунун күч органдарына кайрылдык, бирок эч кандай жыйынтык болгон жок.
Анан массалык маалымат каражаттары аркылуу болуп жаткан мыйзам бузуучулуктар жөнүндө айталы деп Ош облусунда маалымат жыйын өткөрүп жаткан учурда айыл өкмөтүнүн башчысынын адамдары келип, мени өлтүрөбүз деп коркутуп кетишти”,- деди Маманова.
0
Тактап, маалымат бергенге аракет кылабыз. Туш келди жакка бул билдирүүнү калтыра бербесеңиз.