100дөн ашык жаңы толуктоонун жоокери Ата Мекенге чын дилинен кызмат кылууга ант берди

КРнын Куралдуу күчтөрүндө жазгы аскерге чакыруу кампаниясынын алкагында 73809-аскер бөлүгүндө 100дөн ашык жаңы толуктоонун жоокери Ата Мекенге чын дилинен кызмат кылууга ант берди. Бул тууралуу мекеменин Маалыматтык камсыздоо башкармалыгынан билдиришти. 

Маалым болгондой, жаңы толуктоодогу жоокерлер даярдоо курсунан өтүп, аскер жашоосуна көнүктүрүүчү адаптация программасын артка калтырышты. Салтанаттуу түрдө аскердик антты берүү аземи Кыргыз Республикасындагы аскердик кошуундардын арасындагы эң алгачкылардан болуп саналган 73809-аскер бөлүгүнүн эшиги ачык болду. Аземге чакырылган коноктор, жаңы толуктоодогу жоокерлердин ата-энелери, туугандары жана достору аскер бөлүгүнүн турмушу, кызмат кылуучулардын жашоо шарттары жана эс алуунун уюштурулушу менен кенен таанышып чыгууга мүмкүнчүлүктөрдү алышты.

Иш-чарага КРнын Куралдуу күчтөрүнүн ардагерлери дагы чакырылып, жаңы толуктоонун жоокерлерине кызматындагы ийгиликтерди каалап, иш-тажрыйбасындагы насааттарды айтып жатышты.

Ант берүү салтанаты аяктагандан кийин жоокерлер аскер кызматынын алгачкы мыйзамдуу «уруксат берүүсүндө» болуп, туугандарынын арасында эс алышты.