Ош. Билим берүү кызматкерлеринин республикалык тарбия конференциясы болуп өттү

16-17-май күндөрү Ош шаарында “Балдарга мээримибиз – бактылуу келечегибиз” аттуу билим берүү кызматкерлеринин республикалык тарбия конференциясы өткөрүлдү. Бул тууралуу Ош шаардык билим берүү башкармалыгынан кабарлашты.

Маалыматка ылайык, конференциянын негизги максаты окуу процесси менен катар мектеп жашындагы өспүрүмдөрдү тарбиялоо иш-аракеттерине өзгөчө көңүл бөлүп, заман талабына ылайык жаңы усулдар менен берилген тапшырмаларды ишке ашыруу болуп саналат. Конференцияга КРнын Вице-премьер-министри Дамира Ниязалиева, КРнын Билим берүү жана илим министринин орун басары Токтокан Ашымбаева, Ош шаарынын вице-мэри Ильич Эргешов, облустук, райондук билим берүү бөлүмдөрүнүн жетекчилери, өлкөнүн башка аймактарынан келген коноктор жана Ош шаардык билим берүү башкармалыгынын кызматкерлери, мектеп мугалимдери катышты.