Орусиялык жылдыз, “Жылдын ыры” берүүсүнүн алып баруучусу Евгений Меньшов 68 жаш курагында каза болду

Орусиялык “Жылдын ыры” телевизиондук программаcынын алып баруучусу Евгений Меньшов 68 жаш курагында каза болду. Бул тууралуу бүгүн, 19-майда орусиялык басылмалар жазып чыгышты. Алардын билдирүүсүнө ылайык, Орусиянын Эл артисти 19-май күнү кечке жуук көпкө созулган оорудан улам ооруканадан көз жумган. Маалым болгондой, Эл артистин акыркы сапарга узатуу зыйнаты тар чөйрөдө өткөрүлөт. 

“Биз эң жакын адамдарды гана чакыралы деп чечтик, бул маалыматты элге таратып уу-дуу жараталы деген жокпуз. Евгений мен үчүн идеалдуу адам болчу. Андан эч качан жаман сөз уккан эмесмин, ушундай адамдар жашоодо болоруна ага жолукканда билгем. Экөөбүз бирге 8 жыл түтүн булаттык, эми минтип бири-бирибизден ажырап отурабыз”,- деди жубайы Ольга Грозная. 

Айта кетсек, Евгений Меньшов Орусиянын белгилүү музыкалык “Жылдын ыры” аттуу телепрограммасын Ангелина Вовк менен бирге 18 жыл алып барган.