Юстиция министри: “Антикоррупциялык экспертизаны көз карандысыз уюмдар деле өткөрө алышат”

"Антикоррупциялык экспертизаны Юстиция министрлигинен бөлөк көз карандысыз уюмдар деле өткөрө алышат". Мындай маалыматты бүгүн, 21-майда журналисттер менен болгон жолугушууда юстиция министри Жылдыз Мамбеталиева билдирди. Анын айтымында, жыл башынан бери экспертизаны өткөрүүгө укукту министрлик берет, ал үчүн уюм каттоодон өтүшү зарыл.

“Коррупцияга каршы иш алып баруу боюнча жумуштар көп жылдан бери эле уланып келе жатат. КРнын Коргоо кеңешинин өткөргөн анализинин алкагында ар бир министрликтин ичинде коррупциялык таасири күчтүү болушу мүмкүн деген жерлер аныкталып, атайын схемалар түзүлгөн. Өз учурунда биз да бул боюнча министрликте иштерди аткаруудабыз. Ал эми коррупциянын бетин ачуу боюнча суроо-талап акыркы эки жылда активдүүлүгүн көрсөтө баштады”,- дейт министр Мамбеталиева.