Бишкекте туристтик көргөзмө ачылат

Бишкектеги эс алуу борборлорунун биринде «Turizm Expo-2015» көргөзмөсү ачылат. Бул тууралуу бүгүн, 22-майда КРнын Маданият, маалымат жана туризм министрлигинин алдындагы Туризм департаментинен билдиришти. 

Маалым болгондой, көргөзмө 23-24-май күндөрү өткөрүлөт. Анын башкы максаты - саякат туурасында элге көбүрөөк маалымат берүү. Иш-чаранын коноктору үчүн туристтик операторлор атайын оюн-зоокторду өткөрүп, жеңүүчүлөргө курорттук өлкөлөргө жолдомо беришет. Ошондой эле сүрөткө мыкты тартуу боюнча белгилүү фотожурналист Влад Ушаков мастер-класс өткөрөт.