Бишкекте СПИДден каза тапкандарды эскерүүгө багытталган иш-чара өттү

Бишкекте бүгүн, 22-майда СПИДден каза тапкандарды эскерүүнүн эл аралык күнүнө карата иш-чара өттү. Ага БУУнун "Өнүктүрүү" программасынын Глобалдык фондунун өкүлү Акжол Жороев, Бишкек шаардык СПИД менен күрөшүү борборунун директору Искендер Шаяхметов, балдары ВИЧке кабылган ата-энелер, бейөкмөт уюмдардын өкүлдөрү катышышты.

Иш-чара аталган дартка каршы күрөшүү боюнча жарыяланган акциянын кандай өткөнүн чагылдырган видеотүрмөктү көрсөтүү менен башталды. Журналисттер тиешелүү адистерге суроо узатып, жоопторду алышты.  

Маалыматка ылайык, 2001-жылы кыргыз мамлекетинде ВИЧ жуктуруп алгандардын саны 2015-жылдын 1-апрелине карата 5643 адамды түзөт.