Жалал-Абадда жардамга муктаж балдарга арналган 1 айлык уюшулат

25-майдан 25-июнга чейин Жалал-Абад шаарында “Биздин балдар - планетанын келечеги” аттуу бир айлык акция уюштурулмакчы. Анын алкагында шаардагы психоневрологиялык диспансерлердеги тарбиялануучу балдарга, бала асырап алган үй-бүлөлөргө, балдар ооруканаларына, санаторийлерге, жетим балдар жана ата-энесинин камкордугусуз калган, ден соолугунун мүмкүнчүлүгү чектелген балдар үчүн мектеп-интернаттарына шаардагы мекеме-ишканалар менчигинин түрүнө карабастан белек-бечкектер таратылат.

Мэриядан кабарлашкандай, балдар үчүн театрлаштырылган оюн-зоокторду, көркөм фильмдерди көрсөтүү, балдардын кол өнөрчүлүгү боюнча көргөзмөлөрдү уюштуруу, 14 жашка чейинки балдарды коомдук транспортто акысыз ташуу, медициналык көрсөткүчтөрү бар балдарга акысыз медициналык кызмат көрсөтүү жана ден соолугунун мүмкүнчүлүгү чектелген балдарды коляска, балдак, ортопедиялык бут кийимдер менен камсыз кылуу каралган. Мындан сырткары "Кыргызстан балдары тынчтык үчүн!" аттуу таланттуу балдар арасында фестиваль өтмөкчү.

Ошондой эле 1-Июнь - Балдарды коргоонун эл аралык күнү Барпы театрынын алдында салтанаттуу белгиленет.