Сузакта жер көчкү алдында калган 3 адамдын жансыз денеси табылды

Сузакта жер көчкү алдында калган 3 адамдын жансыз денеси табылды. Бул тууралуу бүгүн, 24-майда Өзгөчө кырдаалдар министрлигинен билдиришти.

Каза болгондор:

1. Кенжебай кызы Элнура, 1995-жылы туулган;

2. Калыбек уулу Мирлан, 2005-жылы туулган;

3. Калыбек кызы Зарина, 2009-жылы туулган;

4. Алымбеков Аттокур, 1958-жылы туулган;

5. Сейдалиева Жамиля, 1958-жылы туулган;

6. Аттокур уулу Нуржигит, 2012-жылы туулган.

Жабыркаган 12 адам "Тез жардам" кызматы менен райондук ооруканага жеткирилди:

1. Кенжебай Алимбеков, 1965-жылы туулган;

2. Аттокур уулу Азам, 1992-жылы туулган;

3. Айжамал Кыязова, 1992-жылы туулган;

4. Зияда Исмаилова, 1978-жылы туулган;

5. Сүйүмкан Маткалыкова, 1999-жылы туулган. Ал эми 7 адамга медициналык жардам көрсөтүлдү.  

Учурда кырдаал болгон жерде байланышты камсыздоо үчүн Республикалык өзүнчө куткаруу отрядынан көчмө ыкчам башкаруу түйүнү (ППУ) иш алып барууда.

Жабыркаган 5 турак үйдүн ээлери Кыргыз Республикасынын Өзгөчө кырдаалдар министри тарабынан 10 орундук 10 даана чатыр жана убактылуу турмуш-тиричилик буюмдары менен камсыздалууда.

Айта кетсек, жер көчкү 24-майга караган түнү саат 01:49 чамасында Кыр-Жол айылында болгон. Анда көчкү 5 үйдү басып калып, 6 адам анын алдында калган. Буга чейин Элиза Алибекова, Калыбек уулу Мирлан жана Калыбек кызы Заринанын жансыз денелери табылган.