Феликс Кулов: «Курал-жараксыз бийликти басып алууга болбойт»

"Ак үйдүн айланасы коргоого алынган аймак" деп айтып жатышат, бирок аны тастыктаган документтерди көрө албадым". Бул сөздү депутат Феликс Кулов бүгүн, 21-февралда Биринчи Май райондук сотунда «ата журтчу» депутаттар боюнча уланып жаткан сот ишинде айтты. Куловдун айтымында, ал азыркы учурда бул маселе боюнча токтом долбоорун даярдап жатат. "Юрист катары айткым келет, курал-жараксыз бийликти күч менен басып алууга болбойт, эгерде күч, зордук-зомбулук болсо гана күч менен бийликти басып алган десе болот",- деди депутат.