Бишкекте Балдарды коргоо күнүнө арналган майрамдык иш-чара өттү (фото)

Бүгүн, 27-май күнү Бишкекте Балдарды коргоо күнүнө арналган “Келечек, камкордук, коопсуздук” аталышындагы майрамдык иш-чара өттү. Иш-чара Бишкек шаардык ички иштер башкы башкармалыгы жана Бишкек шаардык мэриясынын Билим берүү башкармалыгынын колдоосу менен уюштурулган. Ага ички иштер министри Мелис Турганбаев, вице-мэр Айгүл Рыскулова, Бишкек шаардык ички иштер башкы башкармалыгынын жетекчиси Кашкар Жунушалиев жана шаар тургундары, 2 миңге жакын бала катышты. 

Майрамдык иш-чаранын жүрүшүндө ички иштер министри балдарды келе жаткан майрамы менен куттуктап, алар дайым камкордукта болушу керек экендигин баса белгиледи. Андан соң тез чара көрүүчү атайын отряддын (СОБР) балдары өз өнөрлөрүн тартуулашып, “Милиция балдардын көзү менен” аталышында асфальтка сүрөт тартуу боюнча сынак уюштурулду.