Мектеп окуучуларын куткаруучулукка үйрөтүү максатында атайын мелдеш өткөрүлдү

21-23-май аралыгында КРнын Өзгөчө кырдаалдар министрлигинин Республикалык өзүнчө куткаруу отрядында жаш куткаруучулардын мектептер аралык “Зарница” деп аталган мелдеши өткөрүлдү.

Аталган министрликтен кабарлашкандай, мелдеш жаш муундагы куткаруучуларды өзгөчө кырдаалдардан коргонуу эрежелерин жана адам өмүрүн сактап калган ардактуу кесип – куткаруучулукка үйрөтүү максатында уюштурулду. Ага Ош шаарындагы Курманжан датка атындагы орто мектебинен 10 окуучу, Т.Сатылганов атындагы орто мектептен 10 окуучу, М.В.Ломоносов атындагы орто мектептен 10 окуучу катышты.

26-май күнү болсо мектеп окуучуларынын командаларынын арасында өзгөчө кырдаалдарда жана экстремалдуу учурларда өздөрүн туура алып жүрүү эрежелеринин так аткарылышы боюнча мелдеш өткөрүлдү. Алдынкы орундарды ээлеген окуучуларга грамота жана дипломдор тапшырылды.