Чүй облусундагы жана Бишкек шаарындагы мектептерде Акыркы коңгуроо салтанаттары өтүүдө (фото)

Бишкектеги №2-орто мектебинин бүтүрүүчүлөрү

Билим берүү жана илим министри Эльвира Сариева Чүй облусунун Ленин айылындагы В.И.Ленин атындагы орто мектептин Акыркы коңгуроо иш-чарасына катышты.

Чүй облусунун Ленин айылындагы В.И.Ленин атындагы орто мектептин Акыркы коңгуроо салтанаты

Чүй облусунун Ленин айылындагы В.И.Ленин атындагы орто мектептин бүтүрүүчүлөрү

Бүгүн, 29-майда өлкөдөгү бардык мектептерде акыркы коңгуроо жаңырууда. Салтанаттуу иш-чараларга бүтүрүүчүлөрдүн ата-энелери, жакындары келишсе, айрым окуу жайларда салтанаттар жогорку кызматтардагы адамдардын катышуусунда өттү.

Билим берүү жана илим министри Эльвира Сариева Чүй облусунун Ленин айылындагы В.И.Ленин атындагы орто мектептин Акыркы коңгуроо иш-чарасына катышты. Куттуктоо сөзүндө министр мектеп бүтүрүүчүлөрүнүн келечектеги иштерине ийгилик каалап, мугалимдерге жана ата-энелерге ыраазычылыгын билдирди.

Ошондой эле социалдык блок боюнча вице-премьер-министр Дамира Ниязалиева Чүй облусунун Аламүдүн районундагы Таш-Дөбө айылынын Б.Бейшеналиева атындагы мектептеги салтанатка катышты. Өз сөзүндө ал мектеп бүтүрүүчүлөрүнө кайрылып, алардын ойлорун ишке ашырууга бардык мүмкүнчүлүктөр бар экенин баса белгиледи. "Жакында университетке сүйгөн кесибиңер боюнча тапшырасыңар. Келечекте дарыгер, куруучу, экономист же педагог болосуңарбы, бул анча маанилүү эмес. Силердин келечегиңер өзүңөрдүн колуңарда. Жашоодо эң негизгиси - талыкпай эмгектенүү жана ар дайым максаттарга жетүү. Ар бириңер өзүңөр каалаган окуу жайга тапшырып, жогорку деңгээлдеги адис болуп чыгарыңарга ишенемин",- деп кайрылды бүтүрүүчүлөргө Ниязалиева.