1-июнда Орусияда жол кырсыгынан каза болгон жана жаракат алган кыргыз жарандарынын айрымдарынын аты-жөнү такталды

Орусиянын Москва шаарында, алдын ала алынган маалыматтар боюнча, 2015-жылдын 1-июнунда Москва убактысы боюнча саат 04:00 чамасында М-3 Украина трассасында Тойота Альфард үлгүсүндөгү минивэн унаасы менен жүк ташуучу унаа сүзүшүп, 4 адам каза болуп, 3 адам жабыркаган. Бул тууралуу Өзгөчө кырдаалдар министрлигинин маалымат кызматы билдирди. 

Каза болгондор:

1. 1978-жылы туулган В.А.Аветисян, Кыргыз Республикасынын жараны;

2. 1975-жылы туулган Е.А.Исакова, Кыргыз Республикасынын жараны;

3. Азиат улутундагы өздүгү такталбаган 1 аял жана 1 эркек.

Жабыркагандар:

1. 32 жаштагы Ш.К.Исаева, шаардык Боткин ооруканасында;

2. 23 жаштагы Т.К.Масалиев, шаардык №1-ооруканасында;

3. 48 жаштагы Д.У.Исмаилова, шаардык №1-ооруканасында.

Жабыркагандардын жарандыгы такталууда.