Футбол боюнча улуттук курама Дубайда Бангладеш жана Австралияга каршы оюнга даярдык көрөт

Футбол боюнча улуттук курама команда 2018-жылы өтө турган Дүйнө чемпиондугунун тандоо туруна даярдыгын баштады. 20 футболчудан турган курам Дубайда (Бириккен Араб Эмираттары) 1 апталык (2-9-июнь аралыгында) машыгуу сборун өткөрөт.

КРнын Футбол федерациясынан кабарлашкандай, бул сбор улуттук кураманын Бангладеш (11-июнь) жана Австралия (16-июнь) курамаларына каршы оюнуна даярдыгынын алкагында уюштурулду.

Дубайга бүгүн, 2-июнь күнү жөнөп кеткен курамда төмөнкү оюнчулар бар:

Дарбазачылар: Максим Зинченко (“Дордой” клубу), Руслан Амиров, Павел Матяш (“Алга”), Валерий Кашуба (“Худжанд”, Тажикстан).

Коргоочулар: Марат Ажиниязов, Азамат Байматов, Талант Самсалиев, Курсан Шератов, Дениэл Тего (“Дордой”), Валерий Кичин (“Тюмень”, Орусия), Виктор Майер (“SV Meppen”, Германия), Тамирлан Козубаев (“Алга”).

Жарым коргоочулар: Эдгар Бернхардт (“Widzew”, Польша), Сергей Евлюшкин (“KSV Hessen Kassel”, Германия), Ильдар Амиров, Павел Сидоренко, Турсунали Рустамов (“Алга”), Бахтияр Дүйшөбеков, Фархат Мусабеков (“Абдыш-Ата”), Вадим Харченко, Азиз Сыдыков, Мирлан Мурзаев (“Дордой”), Антон Землянухин (“Раднички”, Сербия).

Чабуулчулар: Алмазбек Мирзалиев (“Дордой”), Виталий Люкс (“Нюрнберг-2”, Германия).