Алина Шаикова: "Биометрикалык маалымат бир гана шайлоо үчүн эмес, социалдык маселелерди чечүү үчүн чогултулууда"

Биометрикалык маалыматтар бир гана шайлоо үчүн эмес, социалдык маселелерди чечүү үчүн чогултулууда. Бул тууралуу бүгүн, 3-июнда Жогорку Кеңештин жыйынында Мамлекеттик каттоо кызматынын башчысы Алина Шаикова билдирди.

Анын айтымында, мамлекеттин негизги ресурсу - калк. "Биометрикалык маалыматтар чогултулуп баштаганда коомчулукта нааразычылыктар жаралган. Азыр деле тоскоолдуктар болууда. Биометрика аркылуу аймактардагы калктын саны такталат. Бул маалыматка таянып, мектептер, бала бакчалар жана башка социалдык мекемелер курулат",- деди Шаикова.