Жаштар Баш мыйзамды өзгөртүү эл үчүн эч кандай пайда алып келбесин айтып чыгышты

"Башкы мыйзамды өзгөртүүгө каршыбыз, анткени бул нерсе жөнөкөй эл үчүн эч кандай пайда алып келбейт". Мындай пикирин бүгүн, 3-июнда маалымат жыйын учурунда Жаштар федерациясынын мүчөсү Темирлан Бейшенбеков билдирди. Анын айтымында, күзүндө референдум өткөрүү - бул курулай акча коротуу.

"Өлкөбүз эгемендүүлүк алгандан бери Баш мыйзам 8 жолу өзгөртүлгөн. Буга корогон акчаны жана убакытты андан көрө энергетика, коррупция, чек ара, экономика, билим берүү тармактарындагы маселелерди чечүүгө жумшаса болот. Биз, жаштар, өзүбүздүн ойду жеткирели деп чыктык, анткени мындай өзгөртүүлөрдүн жөнөкөй эл үчүн эч кандай пайдасы тийбейт.

Кээ бир чиновниктер жаштарды саясатка тартышыбыз керек дешкени менен, иш жүзүндө биз аны байкаган жокпуз. Эгер биздин ой аткарылбаса, биз ар кандай митинг жана акцияларды өткөрүүгө даярбыз",- дейт Бейшенбеков.