Ош. 500дөн ашык окуучу үчүн жайкы лагерлерди уюштуруу пландалууда

Ош шаардык билим берүү башкармалыгына караштуу мектептердин окуучуларынын жайкы эс алуусу үчүн лагерлерди уюштуруу иштери кызуу жүрүүдө. Учурда башкармалыкка 31 мектептен мектеп алдындагы эс алуу лагерлерин уюштуруу боюнча буйрутмалар келип түштү. Алардын окуучулардын эс алуусу үчүн түзгөн шарттарын, жалпы эле даярдыгын шаардык мэриянын өкүлдөрү, өрт коопсуздугу жана билим берүү башкармалыктарынын кызматкерлеринин курамынан турган комиссия текшерүүдөн өткөрөт. Жыйынтыгында 15тен ашуун мектеп алдында түзүлгөн лагерлер тандалып алынат. 

Мындан сырткары акылуу лагерлер да уюштурулууда. Анда кеткен каражат окуучунун ата-энеси тарабынан бөлүнүп, Ысык-Көлдө жана Өзгөн районунда эс алып келишет. Окуучулардын жайкы эс алуусун уюштурууга кеткен каражат Ош шаардык мэриясы тарабынан жакынкы күндөрү чечилет.