Футбол боюнча улуттук курама Эл аралык футбол федерациясынын рейтингинде 24 орунга артка жылып, 177-орунду ээледи

Футбол боюнча улуттук курама Эл аралык футбол федерациясынын (ФИФА) рейтингинде 24 орун артка жылды. Рейтинг бүгүн, 4-июнда жарыяланганын уюмдун расмий сайты кабарлады. 

Маалыматка ылайык, Кыргыз Республикасынын улуттук курамасы бул рейтингде 209 кураманын ичинен 177-орунду ээлеп калды. Буга курама команданын 6 ай бою расмий оюн өткөрбөгөнү түздөн-түз таасир этти (акыркы оюнду 2014-жылы декабрь айында ойногон). Мартта болсо Ооганстан менен жолдоштук оюн аба ырайына жана башка себептерге байланыштуу болбой калган. Май айында курамабыз рейтингде 153-орунду ээлеген. 

Дүйнөлүк рейтингдин алдынкы сабындагы 10 команда төмөнкүлөр: 

1. Германия

2. Бельгия

3. Аргентина

4. Колумбия

5. Бразилия

6. Голландия

7. Португалия

8. Уругвай

9. Франция

10. Испания