Малайзияда кыргыз мамлекетинин жарандарынын биометрикалык маалыматын жыйноочу пункт ачылды

Малайзиянын борбору Куала-Лумпурда кыргыз мамлекетинин жарандарынын биометрикалык маалыматын жыйноочу пункт ачылды. Бул тууралуу 5-июнда Тышкы иштер министрлигинин маалымат кызматы билдирди. Маалым болгондой, пункт кыргыз өлкөсүнүн Малайзия мамлекетиндеги элчилигинин консулдук бөлүмүндө ачылды. Анда аталган өлкөдө жашаган кыргыз жарандары өздөрүнүн биометрикалык маалыматын тапшырып кетүүгө толук шарт түзүлдү. Кыргыз мамлекетинин жарандарына өздөрүнүн биометрикалык маалыматтарын тапшыруу үчүн (ID-карта, жалпы жарандык паспорт же 1994-жылкы үлгүдөгү паспорту) паспорту керек.