Кыргыз жергесинде аскер кызматкерлери парапланетардык даярдыктан өтүшүүдө

Бүгүн, 9-июндан тарта кыргыз жергесинде аскер кызматкерлери парапланетардык даярдыктан өтүп башташты. Бул тууралуу КРнын Куралдуу күчтөрүнүн Башкы штабынын Маалыматтык камсыздоо башкармалыгынан билдиришти. 

Маалым болгондой, машыгуу Күжүрмөн даярдык борборунун базасында Башкы штабдын, Мамлекеттик чек ара кызматынын, КРнын Улуттук гвардиясынын кызматкерлеринин катышуусу менен өткөрүлөт. Жыйындын жүрүшүндө жоокерлерге парапланды жана штаттык куралды учууга даярдоо, конгондон кийин жыйноо, бийиктикти алуу тартиби, белгиленген маршрут боюнча учуу, төмөндөө жана конуу, өзгөчө учурда учкучтун аракети, парапланды чалгындоо ишине пайдалануу, абада атуу, конуучу жерди даярдоо жана конгондон кийин согушуу жана башка маселелерди иштеп чыгышат.

Окуунун аякташы менен катышуучулар парапландык даярдык боюнча окуу курсун бүткөндүгү тууралуу атайын сертификаттарга ээ болушат.