Кубат Оторбаев: "Садыр Жапаровдун унаасынан курал-жарак табылганын Зарылбек Рысалиев айткан"

"Ата Журт" партиясынын 3 депутаты боюнча өтүп жаткан сотто күбө катары суралып жаткан КТРКнын жетекчиси Кубат Оторбаев Камчыбек Ташиев Лондонго телефон чалуусу боюнча маалымат биринчи интернет булактарына чыкканын айтты. Ал эми депутат Камчыбек Ташиев өзүнүн телефон чалуулары текшерилгенин, бирок анда Минск, Лондон менен эч кандай сүйлөшүү болбогону аныкталганын айтты. “Бизди бир тараптуу маалымат берип жатат дегениңер туура эмес, эки тарапты бирдей берүүгө аракет кылганбыз. Ал эми Садыр Жапаровдун унаасынан "Сайга" тапанчасы табылганын экс-ички иштер министри Зарылбек Рысалиев айткан”,- деди Оторбаев.