Туризмдин чордону болгон Лангкави аралындагы белгилүү мейманканалардын биринин алдында жыртылган желек илинип турат

Малайзиянын Лангкави аралындагы белгилүү мейманканалардын биринин алдында жыртылган желек илинип турат. Мейманкана негизги көчөлөрдүн биринин боюнда жайгашкандыктан, желек туристтердин көзүнө даана урунат. Негизи, мамлекеттик желек саналуу гана жайларга илинет. Жыртылган туунун илинип турушу бир гана кыргыз өлкөсүндө эмес, башка өнүккөн өлкөлөрдө да кездешет экен. 

Айта кетсек, 8-июнь күнү Бишкекте болгон катуу шамалдан улам "Ала-Тоо" аянтындагы мамлекеттик желек ортосунан айрылып калган. Ошондой эле апрель айында "Дордой" базарынын чыгыш тарабында жайгашкан милиция бөлүмүнүн чатырында эскилиги жетип, айрылып бүткөн желектин илинип турганы боюнча кабар SUPER.KG порталына жарыяланып, мындан улам желек жаңыртылган эле.