Элмира Жумалиева акыйкатчы Аманбаевге: "Эл "Жогорку Кеңеш таратылсын" деп кыйкырып жатканда эмнеге унчукпай жүрдүңүз?"

Депутат Элмира Жумалиева Жогорку Кеңештин 10-июндагы жыйынында акыйкатчы Бакыт Аманбаевге "Эл "Жогорку Кеңеш таратылсын" деп кыйкырып жатканда эмнеге унчукпай жүрдүңүз?" деп кайрылып, анын ишмердүүлүгүн сынга алды. Анын айтымында, акыйкатчы ошондой учурда депутаттардын укугун коргоого алуусу керек. "Сиз башкарып жаткан институт - адам укуктарын коргоочу орган. Ошол эле учурда сиз билип коюшуңуз керек, сизди бул кызматка Жогорку Кеңеш дайындаган. Бирок сиз өз ишмердүүлүгүңүздү толук аткарбай жатасыз",- дейт Жумалиева.