Ош менен Жалал-Абаддын айрым калктуу конуштары айыл категориясына киргизилди

Ош жана Жалал-Абад облустарынын айрым калктуу конуштарын айыл категориясына киргизүү жөнүндө мыйзамга өлкө башчы Алмазбек Атамбаев кол койду. Бул тууралуу 10-июнда президенттин басма сөз кызматынан билдиришти.

Белгилей кетсек, мыйзамды Жогорку Кеңеш 6-майда кабыл алган. Мыйзам калк жыш жайгашкан тилкелерди өнүктүрүү үчүн аймактык-административдик түзүлүштү иретке келтирүүгө багытталган. Документ менен айыл категориясына төмөнкү калктуу конуштар кирет:

- Кажар калктуу конушу. Ала-Бука району, Балтагулов айыл өкмөтү;

- Таш-Жар жана Жаңгак калктуу конушу. Аксы району, Кош-Дөбө айыл өкмөтү;

- Кара-Тарык калктуу конушу. Өзгөн району, Жалпак-Таш айыл өкмөтү.