Бишкектеги 44 мектептин алдында жайкы лагерлер иш алып барышат

Бишкек шаарынын вице-мэри Айгүл Рыскулова жана Бишкек шаардык кеңешинин төрагасы Марат Аманкулов калаанын мектеп алдындагы лагерлерин текшеришти.

Маалым болгондой, мектеп алдындагы лагерлер 2015-жылдын 8-июнунан 3-июлуна чейин иштейт жана 3 миңдей баланы кабыл алат. Лагерлер шаардын 4 районунда тең иштейт. Биринчи Май районунда 9, Свердлов районунда 10, Октябрь районунда 3 жана Ленин районунда 12 лагерь ачылган.

Мектеп администрациялары бардык спорттук жабдыктар менен камсыздалган. Уктоочу жана эс алуучу бөлмөлөр түзүлгөн. Балдар ойной турган бөлмө оюнчуктар, логикалык оюндар менен толтурулган, ошондой эле мектептин китепканалары да иштейт. Бишкек шаарында мектеп алдындагы 44 лагерде балдардын коопсуздугу үчүн Бишкек ШИИББинин инспекторлору иш алып барышат.