Кудайберген Базарбаев: "Өлкөдө 14-16 жаштагы балдардын иштөөсүнө уруксат берилген"

"Өлкөдө 14-16 жаштагы балдардын иштөөсүнө уруксат берилген". Муну бүгүн, 11-июнда “Балдардын эмгегин эксплуатациялоо жана билим алуу” аттуу тегерек столдун жүрүшүндө КРнын Социалдык өнүктүрүү министри Кудайберген Базарбаев билдирди. Анын айтымында, 2004-жылдан баштап, КРнын Эмгек кодексине ылайык, жашы 14төгү, мектепте окуган бала атасынын, энесинин же аны карап жүргөн адам тарабынан берилген уруксат менен жумасына 24 саат иштөөгө укугу бар.

“Муну менен 16га чыккан бала жумуш берүүчү менен эмгек келишимин түзүп, иштесе болот. Белгилеп кетсек, 16-18 жаштагы кыргыз жараны жумасына 36 саат гана эмгектенге мыйзам жол берет.

Учурда жакыр жашаган үй-бүлөлөрдүн көбөйүп кеткенине байланыштуу өлкөдө кароосуз калган балдар мектепке барбай, иштеп жатышат. Бул нерсе баланын физикалык жана психо-социалдык өнүгүүсүн талкалайт”,- дейт Базарбаев.