Кыргыз Республикасы менен Түштүк Кореянын ортосундагы бир катар келишимдер жактырылды

Мамлекет башчы Алмазбек Атамбаев кол койгон жарлыкка ылайык, Кыргыз Республикасы менен Түштүк Кореянын ортосундагы бир катар келишимдер жактырылды. Бул тууралуу 12-июнда президенттин басма сөз кызматы билдирди.

Алардын катарында козголгон кылмыш иштери боюнча укуктук жактан кызматташуу, кылмыш жоопкерчилигине тартылган адамдарды өткөрүп берүү бар. Жарлыкка ылайык, КРнын Башкы прокурору аталган келишимдерге кол коюуга ыйгарым укукту алат.