Алмазбек Атамбаев: "Кыргызстанга жаңы ГЭСтерди курууну тездетүү керек"

Бүгүн, 22-февралда президент Алмазбек Атамбаев Энергетика жана өнөр жай министри Автандил Калмамбетовду кабыл алды. Жолугушуунун жүрүшүндө өлкө башчы Жогорку Кеңеш Жогорку Нарын гидроэлектрстанциялар каскадын куруу жана пайдалануу жөнүндө, ошондой эле Камбар-Ата-1 ГЭСин куруу жана пайдалануу жөнүндө макулдашууларды ратификациялагандан кийин эми Энергетика жана өнөр жай министрлиги бул долбоорлорду конкреттүү ишке ашыруу боюнча тезирээк ишке киришүүсү керектигин белгиледи.