Темир Сариев: “Биздин футболчулар татыктуу оюн көрсөтүштү”

Бүгүн, 16-июнда өкмөт башчы Темир Сариев баштаган өкмөт мүчөлөрү 2018-жылы өтө турган Дүйнө чемпиондугунун тандап алуу этабынын алкагында Бишкектеги Дөлөн Өмүрзаков атындагы стадиондо өткөн кыргыз өлкөсү менен Австралиянын футбол боюнча курама командасынын оюнун көрүп, улуттук курамага күйөрмандык кылышты.

Өкмөт башчы оюндан соң футболчуларга ыраазычылык билдирип, бул оюндун өлкө үчүн мааниси чоң экенин белгиледи.

“Сиздер татыктуу оюн көрсөттүңүздөр. Австралиянын курама командасы Азиянын чемпиону экени баарыбызга маалым. Эң негизгиси, биздин командабыздын жеңишке болгон каалоосу күч, максаты бийик”,- деди Сариев.

Айта кетсек, кыргыз футболчулары Австралия командасына 2:1 эсебинде утулушту.