Бүгүнкү күндө өлкө боюнча кооптуу делинген 4500 аймакта калк жашайт

Бүгүнкү күндө өлкө боюнча 24 миңден ашуун кооптуу делинген аймак бар. Муну бүгүн, 17-июнда маалымат жыйынында Өзгөчө кырдаалдарды мониторинг кылуу жана божомолдоо департаментинин директору Анаркул Айталиев билдирди. Анын айтымында, алардын 11 500дөн ашууну табигый кооптуу аймак, ал эми калганы техногендик болуп эсептелет.

“Аталган кооптуу аймактардын 4,5 миңинде калк жайгашкан. Аларга министрлик билдирме берип, көчүрүү маселелери жергиликтүү бийликтер менен чечилүүдө”,- дейт Айталиев.