Буудайды иштеп чыгарган ишкерлер ЕАЭБге кирүү алдында өкмөттөн жардам суроодо

Буудайды иштеп чыгарган ишкерлер Евразиялык экономикалык биримдикке кирүү алдында өкмөттөн жардам суроодо. Бул тууралуу бүгүн, 18-июнда маалымат жыйынында белгилүү болду. Жыйындын катышуучуларынын бири, “КазГрейн” жоопкерчилиги чектелген ишкананын өкүлү Данышбек Куманбеков: “Учурда өлкөдө сатылып жаткан буудай азыктарынын 70 пайызы импорттук, ал эми калган 30 пайызы биздин өлкөнүкү болуп саналат. Биздин буудайды иштеп чыгаруу тармагы кыйын абалда турат. Эми жакында кыргыз өлкөсү ЕАЭБге кирсе, биздин базар-соода экономикабызга дагы чет элдик продукция кирет. Учурда унду иштеп чыгаруу секторунда 10 миңге жакын адам иштейт. Эртеңки күнү алар иши жок калса, алардын жакындарын кошкондо 50 миңдей адам жакырчылык жашоого түшөт. Мындан улам биз бийлик өкүлдөрүнөн буудайга болгон пайыздык көрсөткүчтү чет өлкөлүк өндүрүүчүлөр үчүн нөлгө түшүрүүнү суранат элек”,- дейт.