Ошто ЕАЭБге кошулуудагы жаңы мүмкүнчүлүктөр жана күтүлүүчү терс натыйжалар туурасында жыйын өттү

Ош шаардык мэриясында Евразиялык экономикалык биримдигине кошулуу процессине байланыштуу жыйын өткөрүлдү. Бул тууралуу 18-июнда мэриянын маалымат кызматы билдирди. Жыйынга Ош облусунун жана Ош шаарынын мекеме-уюмдарынын жетекчилери, Айыл чарба департаментинин жана айыл өкмөттөрдүн башчылары, Ветеринария, фитосанитария башкармалыгынын жана Салык, Бажы кызматтарынын жетекчилери, мындан сырткары ишкердик чөйрөнүн өкүлдөрү катышышты.

Жыйында ЕАЭБге кошулуудагы жаңы мүмкүнчүлүктөр жана айрым бир күтүлүүчү терс натыйжалар туурасында Экономика, Айыл чарба жана мелиорация министрлигинин тиешелүү бөлүм башчылары жана Бажы кызматынын тиешелүү кызматкерлери тарабынан маалымат берилди.

Бизнестин өнүгүшүнө өбөлгө түзүүчү жаңы шарттар туурасында баяндамачылар төмөндөгүлөргө токтолушту: ЕАЭБге Кыргыз Республикасынын кошулуусу менен чек араларда бажылык тариздөө болбойт. Товарларды жүгүртүүдө 1,5 айга чейин мөөнөтүнөн жылдыруу менен кошумча нарктык салык төлөөгө мүмкүндүк берет жана экспорттолуучу продукцияларга жана продукциялардын коопсуздугун ырастоочу бардык документтерге бирдиктүү талаптар коюлат. Ошондой эле эмгек мигранттары үчүн ыңгайлуу шарттар түзүлүп, мунайзаттар, жыгач материалдары, металл прокаты жана стратегиялык маанилүү товарлардын алымсыз беримдери иштеп баштайт. Бирок айрым тобокелчиликтерди азайтуу үчүн чечүүгө зарыл болгон кандайдыр бир кыйынчылыктар күтүлүшү мүмкүн экендиктерин атап өтүштү.

Ага улай ЕАЭБге кошулуу менен алдыдагы терс натыйжалар туурасында да сөз болду.