Кара-Суу районунда “Хизбут-Тахрир” уюмунун жашыруун басмаканасы аныкталды

16-июнда диний-экстремисттик агымдардын ишмердүүлүгүнө бөгөт коюу максатында Кара-Суу РИИБинин, Ош ОИИББинин 10-бөлүмүнүн кызматкерлери жана Кара-Суу райондук соту тарабынан санкцияланган тинтүү иш-чаралары жүргүзүлдү. Тинтүү иштери 8 даректе жүргүзүлүп, анда жалпысынан 3 ноутбук, 2 принтер, 1 даана китептердин барактарын тегиздөөчү станок, 107 китеп, 1 журнал, 77 баракча, 2 кол жазма дептер, 139 DVD-диск, 6 флеш-карта, 5 уюлдук телефон алынды.

Ош ОИИББинен кабарлашкандай, тинтүү жүргүзүлгөн даректердин биринде диний-экстремисттик “Хизбут-Тахрир” уюмунун экстремисттик адабияттарын даярдоочу жашыруун басмакана аныкталып, китепчелерди басып чыгаруу үчүн керектелүүчү атайын техника, ар кандай материалдар жана көптөгөн экстремисттик адабияттар алынып, тергөө амалдары башталды.