Бишкекте граффити тартып, рэп окууга кызыккан жаштар эл аралык фестиваль өткөрүшүүдө

Бүгүн, 20-июнда Бишкекте көчө маданияты боюнча 7-Эл аралык фестиваль өтүүдө. Иш-чараны “Кеменгер” жаштар борбору уюштурду. Фестивалдын максаты - жаштар арасындагы эл аралык мамилени өнүктүрүү. Фестиваль хип-хоп джем форматында болуп, анда көчө маданиятындагы граффити, стрит-дэнс, битбокс, рэп багыттарына кызыккан жаштар таланттарын сындан өткөрүштү. Ага Кыргыз Республикасы, Казакстан, Германия жана Швейцариядан өкүлдөр катышып жатат. Андан кийин катышуучулар Боом капчыгайында 600 чарчы метр аянтка граффити сүрөттөрүн тартышат.