Бишкекте “Бизге баары бир эмес!” аттуу кыргыз жергесинин жарандык форуму өтөт

23-24-июнь күндөрү Бишкекте “Бизге баары бир эмес!” аттуу кыргыз жергесинин жарандык форуму өтөт. Бул тууралуу бүгүн, 22-июнда маалымат жыйында уюштуруучулар тобу билдирди. Маалым болгондой, форумдун максаты - өлкөнүн өнүгүүсүнө ар бир жарандын катышуусунун ролун күчөтүү.  

“Учурда жөнөкөй жарандардын добушу жоголуп кеткендей. Форумда негизги төрт маселе талкууланат: аймактык көйгөйлөр, парламентаризм, экономика, Конституциялык реформа. Биздин өткөрүлө турган иш-чарабыз жөнөкөй активдүү жарандарыбыздын акчалай жардамы менен уюштурулду. Форумга бардык жарандарды чакырабыз. Ага Жогорку Кеңештин өкүлдөрү, бизнес коомчулугу, социалдык чөйрөнүн өкүлдөрү жана башкалар катышат. Республикалык жыйындын натыйжасында резолюция кабыл алынып, ал президентибизге, өкмөткө жөнөтүлөт”,- деди коомдук ишмер Рита Карасартова.