Ысык-Көлдүн жээгинде жайгашкан бир катар эс алуучу жайлар текшерүүгө алынууда

Экологиялык жана техникалык коопсуздук боюнча мамлекеттик инспекция 24-июнда Ысык-Көлдүн жээгинде жайгашкан бир катар эс алуучу жайларды журналисттер менен бирге текшерүүдө. Рейд Ысык-Көл районунун Тамчы айылындагы “Кыргыз таңы” аттуу пансионаттын чыпкалоочу жайын текшерүүдөн башталды. Аталган тазалоочу жай 1980-жылы курулуп, андан бери эксплуатацияланган эмес жана эскилиги жетип, иштөө сапаты начарлаган. Мындай объектини оңдоого 1,5 миллион сомдун тегерегинде каражат керектелет. 

Алдын ала белгилүү болгондой, журналисттер менен инспекторлор Ысык-Көл районундагы дагы 10го жакын пансионаттагы экологиялык нормалардын сакталышын текшерүүгө алышат.