Талас облустук сотунун судьясы каза болгонуна байланыштуу анын ыйгарым укуктары мөөнөтүнөн мурда токтотулду

Мамлекет башчы Алмазбек Атамбаевдин жарлыгынын негизинде Талас облустук сотунун судьясы Бакыт Өмүралиевдин ыйгарым укуктары мөөнөтүнөн мурда токтотулду. Бул тууралуу 26-июнда президенттин басма сөз кызматынан билдиришти. 

"Кыргыз Республикасынын жергиликтүү сотунун судьясы Өмүралиев Бакыт Социаловичтин 2015-жылдын 27-апрелинде каза болгонуна байланыштуу анын ыйгарым укуктары мөөнөтүнөн мурда токтотулсун. Жарлык кол коюлган күндөн тартып күчүнө кирет",- деп айтылат маалыматта.