Алайда республикалык бюджеттин эсебинен 11 социалдык мекеме курулууда

Ош облусунун Алай районундагы объекттердин курулушуна жыл башынан бери республикалык бюджеттен “капиталдык салымдар” беренеси боюнча 7,5 миллион сом бөлүндү. Бул тууралуу бүгүн, 29-июнда Каржы министрлигинен билдиришти. 

Ош облустук капиталдык курулуш башкармалыгынын маалыматы боюнча, Алай районунда республикалык бюджеттин эсебинен 11 социалдык мекеме: 1 бейтапкана, 1 фельшердик-акушердик пункт, 2 бала бакча, 4 мектеп, 3 спортзал курулууда. Мындан тышкары Алай районунда түркиялык насыянын эсебинен Кызыл-Алай, Аюу-Тапан айылдарындагы 2 мектеп курулуп бүтүп, колдонууга берилсе, Сары-Могол, Жаңы-Арык айылдарындагы 2 мектептин курулушу аяктоо алдында турганы айтылды.