Темир Сариев мечиттеги жардырууга байланыштуу Кувейттин өкмөт башчысына көңүл айтты

Премьер-министр Темир Сариев Кувейттеги мечиттердин бириндеги терактта жарандардын каза тапканына байланыштуу аталган өлкөнүн өкмөт башчысы Жабер аль-Мубарак аль-Хамад ас-Сабахка көңүл айтты. Темир Сариев окуяда көз жумгандардын жакындарынын аза кайгысын тең бөлүшөрүн билдирип, бардык жабыркагандардын тезирээк сакайышын каалады. Бул тууралуу бүгүн, 30-июнда өкмөттүн маалымат кызматы билдирди.