Токтогул районунда жол кырсыгынан каза болгон жана жаракат алгандардын айрымдарынын аты-жөнү такталды

Бишкек-Ош унаа жолунда үч унаанын катышуусунда жол кырсыгы катталды. Өзгөчө кырдаалдар министрлигинин маалымат кызматы кырсык Токтогул районундагы Торкен айыл аймагында 1-июлга караган түнү саат 00:20 чамасында катталганын билдирди. Анын кесепетинен 2 адам каза болуп, 5 адам жабыркаган. 

1. Мерседес-Бенц Гигант (мамлекеттик номери О12-07АТ) жүк ташуучу автоунаасынын айдоочусу жана жанындагы жүргүнчүсү (эркек адам) кырсык болгон жерден каза болгон, экөөнүн аты-жөнү такталууда. Ал эми жанындагы болжол менен 2010-жылы туулган Бектурсун жана Бекболсун, Ош облусунун Кара-Суу районундагы Кыргызстан көчөсүнүн тургуну, 2000-жылы туулган Улара Барпиева, 4-жүргүнчүсү Токтогул райондук ооруканасынын хирургия бөлүмүнө жеткирилген (аты-жөнү такталууда).

2. Мерседес-Спринтер (мамлекеттик номери В76-42АG) айдоочусу, Шамалды-Сай айылынын тургуну, 1993-жылы туулган С.Курбанов Токтогул райондук ооруканасынын жандандыруу бөлүмүнө жеткирилген.

3. Хонда-Степ (мамлекеттик номери О52-94G) унаасынын айдоочусунун аты-жөнү такталууда. Жаракат алган эмес. Ал кырсык болгон жерден кетип калган. 

Куткаруучулар жаракат алгандарды жана каза болгон адамдарды автоунаадан чыгарышып, "Тез жардамга" салып беришкен.