Адам өмүрүн алган учак кырсыгына байланыштуу Алмазбек Атамбаев Индонезиянын президентине көңүл айтты

Адам өмүрүн алган учак кырсыгына байланыштуу Алмазбек Атамбаев Индонезиянын президенти Жоко Видодого көңүл айтты. Бул тууралуу 1-июлда президенттин басма сөз кызматы билдирди.
Эске салсак, 30-июнда Индонезияда Hercules C-130 аскердик учагы кулап, борттогу 113 адам каза болгон. Набыт болгондордун 101и жүргүнчү, 12си экипаж мүчөсү болгон. Учак өлкөдөгү аскердик базалардын биринен Бунгуран аралына учуп жөнөгөн. Ал абага көтөрүлгөндөн 2 мүнөт өткөндө бузулуп, Медан шаарындагы мейманкана жана турак үйлөрдүн үстүнө кулап түшкөн.