Башкы прокуратура Экологиялык жана техникалык коопсуздук инспекциясынын өкүлдөрүнө кылмыш ишин козгоду

Экологиялык жана техникалык коопсуздук боюнча инспекциянын Бишкек шаары, Сокулук жана Аламүдүн райондорундагы башкармалыктарынын жооптуу кызматкерлерине кылмыш иши козголду. Башкы прокуратура бүгүн, 2-июлда инспекция өкүлдөрү Кылмыш-жаза кодексинин 304-берене (кызматтык абалынан кыянаттык менен пайдалануу), 315-берене (кызматтык жасалмачылык) жана 350-беренеси (документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, сатып өткөрүү же пайдалануу) боюнча айыпталып жатканын билдирди. 

Жооптуу кызматкерлер 2014-жылы курулуш компанияларынын бири менен сүйлөшүүгө барып, мыйзамсыз курулуштарга керектүү документтерди даярдап бергени үчүн айыпталышууда. Факт боюнча учурда териштирүү жүрүүдө.