Бишкекте Эл аралык спорт журналисттеринин күнүнө жана өлкөнүн Спорт федерациясынын 20 жылдыгына арналган иш-чара өтүүдө

Бүгүн, 2-июлда Бишкекте Эл аралык спорт журналисттеринин күнү жана Кыргыз Республикасынын Спорт федерациясынын 20 жылдыгы белгиленүүдө. Анын алкагында спортту чагылдырган журналисттердин “Кыргыз жергесинин спорт журналистикасы: абалы жана перспективалары” деген аталыштагы биринчи форуму өтүүдө.

Салтанаттуу иш-чаранын башталышында журналистиканын ушул багытын тандап алгандар тууралуу кыска тасма көрсөтүлдү. Көпчүлүк журналисттер жашоосун спортко арноону бала чактан эле чечишкенин жана аларга бул жаатта эмгектенүү позитив алып келерин белгилешти.

Муну менен катар КРнын Мамлекеттик дене тарбия жана спорт агенттигинин жаңы директору Шейшенкул Бакиров, КРнын Спорттук журналисттер федерациясынын биринчи президенти Аскар Салымбеков кеченин ээлерин майрамы менен куттуктап, чың ден соолук, узун өмүр жана чыгармачылык эргүү каалап өттү.