Чым-Коргондогу суу сактагычка эки адам чөгүп кетти

Кечээ, 2-июль күнү Кемин районунун Чым-Коргон айылындагы суу сактагычка саат 20:50 чамасында эки адам (2001-жылы туулган Рахат Жеңишбеков жана 1972-жылы туулган Бактияр Назаркулов) чөгүп кетти. Бул тууралуу Өзгөчө кырдаалдар министрлигинен кабарлашты. Чөгүп кеткендердин биринин жансыз денесин айыл тургундары, экинчисинин жансыз денесин ӨКМнын №21-аскерлештирилген өрт-куткаруу бөлүмүнүн жана №5-өрт-куткаруу бөлүмүнүн куткаруучулары табышып, туугандарына өткөрүп беришти.